السلام عليكم ورحمة الله وبركاته
هحكيلكم موقف حصل في المستشفى ,,, وعاوز اشوف آرائكم لو حد عنده معلومة
هحكيلكم موقف حصل في المستشفى ,,, وعاوز اشوف آرائكم لو حد عنده معلومة
الموقف كالتالي :
-جاتلي زوجة مريض عنده تليف كبدي , بس للأسف مرحلة متأخرة شوية ...
والمريض ده بياخد علاج شهري على نفقة الدولة
المهم
الست جات وعاوزه اربعين قزازة سيديلاك ( لاكتيولوز )
ده في الشهر .....انا بصراحة استغربت بل واستعجبت
فسألتها:
ياستي ليه العدد الفظيع ده ؟؟؟
ده دوا مش قزايز ميا معدنيه !!!
فقالت :
الدكتور قال كده !!!
انا :
قال ايه ياستي ؟؟
هي:
قال ياخد حقنة شرجية 3 مرات في اليوم وفي كل حقنة ,قزازه !!
انا :
الدكتور قالك يستمر كده علطول!!!
هي :
لأ لأ ,, هو استمر كده حوالي اسبوع ,,وبعد كده اتصلت بطبيبة مقيمة وهي قالتلي لأ خلاص ,, طالما مش في غيبوبة ,, يبقا خليها حقنتين في اليوم ,, وفي كل حقنة نص قزازة
+وياخد معلقة كبيرة 3 مرات في اليوم (oral ) !!
انا :
معقول!! ,, لأ ياستي تعالي نرجع للطبيب الأخصائي اللي متابع حالة جوزك من البداية ,, ونشوف
-وقد كان ,, ورجعت للدكتور وفهمت منه الحوار.....
-ياترى ايه رأيكم ووجهة نظركم في الموضوع ده؟؟؟
وماذا تفعل لو كنت مكاني ؟؟؟
\\=\=\=\==\=\\=\\=\\===\\\==\\==\==\\==\==\=\=\=\=\=\=\=
تفسيرات للحالة
***********************
****************
*******
**
*
*************************************************************************************************************************************************************" ممكن لانه في المراحل المتأخره من تليف الكبد
يكون عنده نزيف وقئ دموي
وفي الحاله ديه البكتيريا اللي في الامعاء بتحول البروتين اللي في الدم الي امونيا
والكبد مش قادر طبعا يتخلص من الامونيا ديه ويحولها ليوريا
فالاحسن ياخد حقن شرجيه تنظف الامعاء من الدم بسرعه
وفي نفس الوقت حاجه ملينه وبتساعد علي التخلص من الامونيا زي اللاكتيلوز "
يجب علاج السبب فمثلا في النزيف المعوي يجب وقف النزيف وافراغ الامعاء من
الدم لمنع البكتيريا من تحويل البروتين الموجود في الدم الى امونيا
2- غذاء عالي السعرات قليل البروتين وهنا يفضل البروتين النباتي
3- الادوية :
يستخدم الاكتيلوز Lactulose وذلك لانه يعمل كملين لافراغ الامعاء وكما يقتل البكتريا
المصنعة للامونيا وكل ذلك لمنع تحويل البروتين الى الامونيا كما ذكرت
ويستخدم ايضا النيومايسين Neomycin كقاتل للبكتيريا المعوية طبعا
4- يجب ايقاف اي ادوية يتناولها المريض قد تؤثر على وظائف الكبد.
الدم لمنع البكتيريا من تحويل البروتين الموجود في الدم الى امونيا
2- غذاء عالي السعرات قليل البروتين وهنا يفضل البروتين النباتي
3- الادوية :
يستخدم الاكتيلوز Lactulose وذلك لانه يعمل كملين لافراغ الامعاء وكما يقتل البكتريا
المصنعة للامونيا وكل ذلك لمنع تحويل البروتين الى الامونيا كما ذكرت
ويستخدم ايضا النيومايسين Neomycin كقاتل للبكتيريا المعوية طبعا
4- يجب ايقاف اي ادوية يتناولها المريض قد تؤثر على وظائف الكبد.
التفسير الصحصح
*********************************** أكمل اللي حصل :
مبدأيا :
بإختصار كده , الغيبوبة الكبدية بتحصل نتيجة ايه؟؟؟؟
نتيجة تراكم نسبة السموم النيتروجينيه وعلى رأسها الامونيا في الدم والمخ
طيب الكبد بيعمل ايه في حوار الأمونيا ده؟؟؟
-الكبد السليم بيحول الأمونيا الى يوريا ,, واللي بيتم اخراجها عن طريق الكليتين
فلما يكون الكبد تعبان ,, والمريض أكل كمية بروتين حيواني كتير ,فبالتالي الكبد مش بيقدر يتعامل مع الكمية الكبيرة دي ويحول كل الامونيا الناتجة ليوريا
وحاجه تانية كمان:
فيه بكتيريا في الامعاء بتحول البروتين لأمونيا ,,ولما يكون فيه امساك ,,بتزيد نسبة الأمونيا في الامعاء وبتزيد نسبة امتصاصها وبالتالي بيدخل المريض في غيبوبة
-- ونخلي بالنا ان الأسهال الشديد كمان ونقص الاملاح بيؤدي الى الغيبوبة
-انا بقا لما سألت الدكتور هيبقا التصرف ازاي؟؟(طبعا هو مقالش كل الكلام اللي فوق ده,,,ده كان زمانه قتلني لو رخمت وقلتله اشرحلي
)قال ايه بقا؟
قال:
لما يكون فيه غيبوبة , يبقا المريض ياخد حقنة شرجيه 3 مرات يوميا
في كل حقنة حوالي 120 مل لاكتيلوز
وأول مايفوق ,, يستمر على اللاكتيلوز oral فقط
معلقة كبيرة 3 مرات
-وقال تخلي بالك وتبدأي بالحقنة الشرجية أول ماتلاحظي انه بدأ يدخل في الغيبوبة ,,وأبرز أعراضها:
تحسي ان المريض بدأ يتوه والكلام مش مظبوط ,,وعنده دوخة شديدة ,,ونايم طول النهار وصاحي طول الليل
-وممكن تلجأي للحقنه الشرجية , في الظروف العادية في حالة واحده :
ان المريض يكون بياخد اللاكتيلوز oral وبرده عنده امساك
يبقا تديله الحقنة الشرجية عشان تفضي الأمعاء
بس خلص كده كلام الدكتور....
-يبقا هنا احنا ننصح مريض الكبد :
انه يقلل من اكل البروتين الحيواني , بس مايمنعهوش
ياكل نشويات وبروتينات وسكريات بنسب مظبوطه
وخصوصا الزبادي
ويكتر من الفاكهه والخضروات الطازجه
-- وفيه أحماض امينيه على هيئة أكياس ممكن يمشي عليها لو الغيبوبة عنده متكرره:
hepamerz
(l-aspartate
وبالنسبة للبكتيريا بياخدلها :
neomycin
ونحذره من كترت المدرات لانها بتقلل نسبة البوتاسيوم جدا وممكن تكون سبب لدخولة في غيبوبة
-وربنا يشفي كل مريض ....
سؤال فى النص
هل يصح انه يكون مريض سكر
ويعلقله جلوكوز بعد ماياخد حقنة الانسولين
هرد علية بعدين مش دلوقتى
***********************************************
تعليقات
إرسال تعليق