مدونة صيدلاوى

Skin care     Exfoliation التقشير الكيميائى   المقشرات   B-hydroxy acid ودى الميكانيزم بتاعها لسه محدش يعرفه وبتنقسم الى نوعيين 1-alpha hydroxyl acid ( aha ) ودى هنلاقيها بتنزل فى الشركات العالميه لوحدها زى لويس ويدمر او ريكسول وسعات العميل يسميها احماض الفواكه ولازم تحط فى بالك بعض الاعتبارات وهى انت هتلاقى بينزل منها 3 تركيزات 5 و10 و15 فى الميه لو انت هتوصفه للوجه خليك فى 5 % ولو هتوصفه للجسم خليك فى 10 % لان استخدامها لازم يبقى بحذر وابعد عن ال 15% لانه لو عمل احمرار وحساسيه او تقشير قوى الست هتجيبلك جوزها وساعتها بقى يا حلو هو هيجرب عليك ال 15% وابقى قولى ايه رايك هع هع الاعتبار التانى ان لازم واقى شمس لو هيستخدم بالنهار الاعتبار التالت انه لازم يبقى طبقه رقيقه جدا الاعتبار الرابع انك لازم تعمل batch test يعنى تحط مسحه صغيره على جزء صغير من الجلد وتشوف هيحصل حساسيه او نتايج غير مرغوبه ولا لا ممكن برده واحده مززه زى اللى فاتت تقولك انا هحطه الصبح بس مش هخرج فى الشمس قولها يبقى حتى متفتحيش شباك غرفتك ولا حتى تقفلى ا...

Skin care     Exfoliation التقشير الكيميائى   المقشرات A-retinoids وده نوعين 1-tretinoin ( retinoic acid) وده بيستخدم فى حالات الخطوط الرفيعه وتصبغ الجلد 2-retinol ( vitamin a) وده بيتأكسد الى ريتنالدهيد وبعدين الى retinoic acid والاتنين دول من اشهر الاثار الجانبيه ليهم انها ممكن تعمل حرق بالجلد وومكن تعمل scaling طبعا اشهر مثال فيهم هو كريم ريتن ا وكتير بيستخدموه فى خلطات او لوحده وهو من مكونات كريم tritospot بتاع البقع او كريم بيجمانورم بتاع لويس ويدمر بس لازم تاخد بالك انه ميصلحش اثناء الحمل او الرضاعه ومينفعش يستخدم بالنهار بس سعات ربنا يرزقك ببنت رخمه اووووى وتقولك لاااااااااا انا عايزه نتيجه بسرعه اصل هتجوز قريب وهستخدمه صبح وليل اصل بنت خالة امى استخدمته مرتين ف اليوم وجاب معاها نتيجة حلوه اوى فى اسبوعين ...يعنى هو انتى هتتجوزى فجأه يا بعيده ما انتى بقالك سنين عايشه مع بشرتك وشكلها كده فجاه افتكرتى انك عايزه iتبيضى...واحده زى دى بقا تعمل معاها ايه ؟ قولها تستخدمه بالنهار عادى عشان تتحرق وتخلص منها هع هع هع هع و...

  Skin care     Exfoliation التقشير الفيزيائى ليه بنلاقى اشكال مختلفه من المقشرات دى ؟ وعلى اى اساس بتتقسم ؟ دى يا سيدى بتتقسم على حسب شكل الحبيبات اللى جوه يعنى ممكن تلاقى الحبيبات دى تبقى مثلثه او مربعه او دائريه وكمان حسب نوع الحبيبات لان ليها اكتر من مصدر زى مثلا 1-ground and fruit pits 2-aluminum oxide granules والاتنين دول بقى اللى بتلاقيهم عند الحلاق اللى تحت البيت عندك او اللى فى محلات كل شئ ب 5 جنيه لان اسعارهم رخيصه جدا ولكن يظلوا اقوى مفعول لان الحواف بتاع الحبيبات حاده جدا ولنفس السبب برده لا تصلح للبشره الجافه والحساسه وقوم ايه بقا انت سيادتك جاى من عند الحلاق وفرحان ان وشك احمر وظاهر عليه النضافه من كتر الاحتكاك وانت بتخرب فى بشرتك ومش حاسس 3-polyethylene beads وده اكتر نوع بيسخدم حاليا لان الحواف بتاعته ناعمه ودائريه فبتكون تاثيرها مقبول وغير مضر وكمان مناسب للبشره الحساسه التقشير الكيميائى قبل ما نشرح التقشير الكيميائى لازم نعرف ان المسؤل عن شكل وقوة البشره هو الكولاجين والايلاستين والجليكانز ونتعرف عليهم بسرعه كده ال...

Skin care     Exfoliation دلوقتى انا نضفت بشرتى لازمتها ايه بقا خطوة التقشير دى ؟ اولا التقشير ده بيكون مره او مرتين فى الاسبوع الا لو كانت البشره دهنيه جدا ممكن يستخدم كل يوم بينما الغسول بيكون يومى وبيكون مرتين يوميا وكمان التقشير ليه فوايد كتير اكتر من انها خطوة تنضيف عاديه فوائد التقشير 1-اولا بيشيل الخلايا الميته من سطح البشره وده بالتالى بيؤدى الى تجديد الخلايا 2-تنشيط الدوره الدمويه وبالتالى بيحفز تصنيع الكولاجين اللى هو مسؤل عن شكل البشره الصحى 3-خطوه علاجيه مهمه جدا خصوصا فى معالجة الخطوط الرفيعه wrinkles او التبييض لان بيكون من مكوناته احماض الفواكه او retinoids 3- بتساعد على امتصاص اى مواد فعاله ممكن نحطها بعد كده لانها بتشيل اى عائق فى البشره طيب سعات احنا بنجرب مقشر منلقيش جواه حبيبات وسعات بتكون الحبيبات اللى جوا المقشر كبيره وسعات رفيعه وسعات تحس ان فيه واحد ماسك سكينه وبيقطعلك بشرتك عايزين نعرف ايه ده وليه الاختلاف ده احنا عندنا نوعين من التقشير 1- تقشير فيزيائى او عن طريق الاحتكاك وده المقشر اللى بيكون فيه زى الحبيبات كده وانت فرحا...