Skin care
التقشير الفيزيائى
ليه بنلاقى اشكال مختلفه من المقشرات دى ؟ وعلى اى اساس بتتقسم ؟
دى يا سيدى بتتقسم على حسب شكل الحبيبات اللى جوه يعنى ممكن تلاقى الحبيبات دى تبقى مثلثه او مربعه او دائريه وكمان حسب نوع الحبيبات لان ليها اكتر من مصدر زى مثلا
1-ground and fruit pits
2-aluminum oxide granules
والاتنين دول بقى اللى بتلاقيهم عند الحلاق اللى تحت البيت عندك او اللى فى محلات كل شئ ب 5 جنيه لان اسعارهم رخيصه جدا ولكن يظلوا اقوى مفعول لان الحواف بتاع الحبيبات حاده جدا ولنفس السبب برده لا تصلح للبشره الجافه والحساسه وقوم ايه بقا انت سيادتك جاى من عند الحلاق وفرحان ان وشك احمر وظاهر عليه النضافه من كتر الاحتكاك وانت بتخرب فى بشرتك ومش حاسس
3-polyethylene beads
وده اكتر نوع بيسخدم حاليا لان الحواف بتاعته ناعمه ودائريه فبتكون تاثيرها مقبول وغير مضر وكمان مناسب للبشره الحساسه
التقشير الكيميائى
قبل ما نشرح التقشير الكيميائى لازم نعرف ان المسؤل عن شكل وقوة البشره هو الكولاجين والايلاستين والجليكانز ونتعرف عليهم بسرعه كده
الكولاجين : ده عباره عن بروتين موجود فى الجلد وبيمثل 90 % من البروتين الموجود فى الجلد وهو مسؤل عن قوة وتماسك البشره وعشان كده احنا لما بنكبر فى السن معدلات انتاج الكولاجين بتقل اوى وتبتدى الخطوط الرفيعه ومظاهر تقدم سن البشره تظهر
الياف الايلاستين: ودى مسؤله عن مرونة وشد البشره ومع زيادة العمر يبتدى الجسم يفرز هرمون دايهيدروتستوستيرون بكميات اكبر والهرمون ده بيوقف تكوين الايلاستين وبالتالى البشره بتفقد تماسكها
الجليكانز : وده اللى بنسميه the principle skin matrix fillers
وبدون شرح طويل اهم جليكان ( ذكر مفرد يعنى :P) هو hyalurinic acid
وهو مسؤل عن امتصاص الميه واحتوائها وبرده مع السن محتوى البشره من الهيالورونيك اسيد بيقل نتيجه لوجود انزيم رخم اسمه hyalurodinase
والبشره بتفقد الرطوبه اللى فيها وبتصبح رقيقه واكثر عرضه لاى اصابات
التقشير بالفينول,وصفة لتقشير الجسم والوجة,التقشير العميق,التقشير للبشرة,التقشير المتوسط,تقشير الشفايف,خلطات تقشير البشرة,اسرع وصفة لتقشيرالبشرة,تقشير البشرة,طريقة تقشير البشرة,وصفة لزيادة الوزن مجربة,وصفة تقشير البشرة,تقشير الركب,التقشير السطحي
ردحذف