اجابات من غير فلسفة

فيما يلى اجابات لبعض الاسئلة التى تدور فى اذهننا من الناحية الطبية ومن غير فذلكة 

السؤال الاول 

يعنى ايه دوالى يادكتور؟

اجابة من غير فذلكة 

الدوالى دى بتكون ضعف فى الاوردة بالرجل
وتبان على هيئة تورمات فى القدمين
وبتظهر العروق على شكل زرقان زى تجمعات نقط دم كده

سببها
الوقوف لفترات طويلة
الحمل فى النساء
لبس الهدوم الضيقة

وحلها
هتعمل تمرينات رياضية باستمرار
لبس شراب دوالى
وقت النوم يرفع رجليه اعلى من مستوى قلبه
(هيحط مخدة تحت قدميه)
ويتابع مع الدكتور علشان يكتبله على علاجات تقوى الاوردة الدموية 

***********************************

2-

ايه الفرق بين الى عنده سكر عالى وتانى عنده سكر منخفض؟
ليه فى مرضى سكر بياخدو انسولين وغيرهم بياخدو اقراص؟

 

اجابة :-

الانسولين ده مادة طبيعيه (هرمون) بيفرزها الجسم من البنكرياس (اللي هو عضو في الجسم )
وظيفة الانسولين ده انه بيظبط نسبة السكر في الدم

يعني لو فرقت كمية الانسولين عن كمية السكر في الدم فرق كبير وكان الأنسولين اكتر
يبقا كده المريض هيبقا عنده هبوط في السكر وهيبقا محتاج يشرب ميا بسكر او عصير ,,ولو الحاله جامده وجاله هبوط شديد يبقا هيحتاج يتركبله محلول جلوكوز

-ولو كمية الأنسولين كانت اقل بكتير من كمية السكر اللي في الدم (يعني اللي انت بتاكلها) يبقا كده المريض عنده ارتفاع في نسبة السكر

وهيحتاج يتعالج باقراص او بانسولين

الاقراص:
بتزود نسبة الانسولين ,,لو كان البنكرياس بيفرز انسولين بنسبة صغيرة

وحقن الانسولين:
ده لو البنكرياس تعبان ومش قادر يفرز انسولين اساسا ,, فبنديله انسولين خارجي

-بس كده

 

لو السؤال عن الاملاح اعراضها وازاى نعالجها 

 

فى الأول بتحس بوجع فى القدمين بالذات فى صباع القدم الكبير
واحيانا حرقان فى البول
او حصوة هتعمل مغص فى الجنب
يبق وقتها لازم توقف
كل حاجة تعملك املاح
زى الشاى والقهوة والحاجة لاساقعة والسبانخ والمانجو واللحمة الحمرااء
وتروح تعمل تحليل تعرف منه نوع الاملاح الموجودة ونسبتها
علشان نقدر نعالجها

 

 

******************************************************