skin care
moisturizes
فى البدايه لازم نعرف ليه البشره بيصيبها الجفاف ونحفظ الجملتين دول
البشره بتجف عشان نقص الميه فيها
او نقص الدهون اللى بتنتجها البشره والدهون دى هيه اللى بتعمل عازل لعدم فقد الميه
والتوازن بين الميه والدهون هو اللى بيعطى شكل البشره الصحى
طيب يا ترى ايه هيه اسباب جفاف البشره ؟
الطبيعى انه هيبقى يا اما نقص الميه يا نقص الطبقه الدهنيه طيب ايه الاسباب اللى ممكن تعمل كده؟
احنا عندنا اسباب كتير ولازم تحطها فى اعتبارك وتسال المريض عنها
1-اول حاجه واهم عامل هو عامل السن لان مع تقدم العمر البشره بتفقد قدرتها على الاحتفاظ بالميه وبالذات فوق سن الاربعين وده عشان طبقة الدهون اللى موجوده فى البشره بتقل جدا ومش بتقدر تحتفظ بالميه اللى تحتها
2-تانى سبب ممكن يكون ضعف التغذيه بالذات الغذاء اللى بيحتوى على الاوميجا 3 والزنك وفيتامين الف ( نحطها فى الاعتبار عند العلاج )
3- ثالت سبب بعض المركبات الكيميائيه زى الشامبو ومزيلات العرق والصابون المضاد للبكتيريا او الصابون اللى بيتعمل فى نبروه ده
4- رابع حاجه بعض المشروبات زى اللى بتحتوى على نسبة كافيين عاليه او المشروبات الروحانيه
5-بعض الادويه زى مدرات البول ومضادات الحساسيه و المقشرات ( فاكرينها ولا نسيتوها ؟ )
6-بعض الامراض زى الاسهال الحاد او الترجيع او الحمى او السكر او زيادة افراز الغده الدرقيه وبعد الحروق والصدفيه والتهاب الجلد الجاف
7-الاستحمام بشكل متكرر اكثر من الحاجه واكثر من مره فى اليوم
8-تغيرات الطقس زى قلة الرطوبه و الجو البارد عشان كده حالات الجفاف بتزيد فى الشتا
9- فترة ما بعد انقطاع الطمس عند النساء نتيجه لانخفاض مستويات الاستروجين
الغرض من انى اقول الاسباب انك تحط ايدك على السبب وانت بتوصف لان يمكن هو بيعانى من حاجه مزمنه تتوجب استخدامه المرطب باستمرار او حاله مؤقته وتعرف المريض السبب لان المريض دايما بيكون عايز يعرف السبب قبل ما ياخد العلاج وكده انت بتثبتله انك صيدلى ناجح لو انت عرفته مثلا ان الغده الدرقيه هيه السبب او نوع من الاكل او من الشرب هو السبب فبتلفت انتباهه لشئ زى كده
دلوقتى انا عرفت الاسباب ازاى بقى اقدر احدد ان ده جفاف للبشره ودرجة الجفاف عشان اعطيله المرطب المناسب
اول علامه ان المريض يقولك يا دكتور انا بحس بشد فى البشره بعد الاستحمام ودى ابسط الحالات
او يكون عنده جفاف مع حكه او احمرار ودى الدرجه الاعلى وبتحتاج نتدخل بالدواء مش بس تجميل
الحاله الاصعب انها ممكن تكون قشور او تعمل خطوط رفيعه ودى علاجها بيكون اطول و بتحتاج خلط بين انواع مختلفه من العلاجات
طيب تعالو نعرف تركيب جزء بسيط من الجلد المسؤل عن الاحتفاظ بالتوازن بين الميه والدهون
الجزء ده اسمه straum cornium ودى الجزء الخارجى من طبقة الابيدرمس
والطبقه دى محتواها من الميه 30% ولما النسبه دى تقل الى 10 % تبتدى تظهر اعراض الجفاف
طب ازاى بتفقد الميه دى ؟ بتفقدها عن طريق التبخير اللى بيسمى علميا trans epidermal water los
الجزء التانى من stratum cornium بيكون عباره عن lipids واغلبه بيكون حاجه اسمها سيراميد وكوليسترول
والجزء ده لما بيصيبه الضرر برده بيظهر الجفاف
كده من المعلومه دى احنا عندنا خطتين للعلاج
يا اما اقلل الميه اللى بتفقدها البشره
يا اما اعوض طبقة الدهون اللى ممكن تكون اتصابت وده بيكون عن طريقة تغذية البشره
طيب ازاى اعرف يا دكتور ان الجفاف اللى حصل ده ناتج عن نقص الميه ولا الدهون ؟
الاجابه بسيطه
لو جفاف مع لون البشره باهت يبقى نقص ميه
لو جفاف مع قشور يبقى نقص دهون ومحتاجه تغذيه
وعشان كده ممكن عميل يجى يقولك المرطب مش بيعمل حاجه او ملوش نتيجه
لانك اديتله حاجه لنقص الميه وهو عنده مشكله فى الطبقه الدهنيه
كده انا عرفت الاسباب وكمان ميكانزم الجفاف اوصف بقا العلاج ؟
لا متوصفش استنى
دايما قبل ما توصف انصح المريض وتقوله يعمل ايه وميعملش ايه عشان العلاج يجيب نتيجه وده بنسميه فى شغلنا patient education
هنقسم النصايح لجزئين
اعمل ده
ومتعملش ده
طيب يعمل ايه ؟
اول حاجه يستخدم مرطب طويل المفعول عشان ميضطرش كل شويه يحط مرطب
تانى حاجه لو الجو جاف يستخدم مرطب جو humidifier
تالت حاجه لو كانت سيده فوق سن الاربعين ممكن توصفلها مصدر طبيعى للاستروجين زى الصويا
رابع حاجه انه يكون حذر عند استخدام المقشرات
يستحمى مره واحده بس فى اليوم
لما يجى ينشف جسمه يطبطب على جسمه بالفوطه كش يدعكها لحد ما الجلد يطلع ف ايده
يشرب ميه كتير وياكل حاجات فيها اوميحا 3 زى الاسماك
يكتر من اكل الخضروات والفاكهه
طيب ميعملش ايه ؟
اول حاجه ميستخدمش نوع قوى من الصابون او الشامبو وبالذات المضاد للبكتيريا
تانى حاجه ميستخدمش على المنطقه الجافه منتجات فيها كحول زى البخاخات ومزيلات العرق
ثالث حاجه ميتعرضش للشمس او الهوا البارد او المروحه
رابع حاجه ميشربش منتجات فيها كافيين زياده زى القهوه والبيبسى والشاى
كده المريض جاهز اوصفله العلاج
طيب انا هديله اى مرطب كده والسلام ؟
لا لو نقص ميه هعمل ايه ؟
اكيد هوصف حاجه بتقلل فقدان الميه او بتحتفظ بالميه اللى موجوده
ولو نقص دهون ؟
هغذى البشره
eczema,best acne treatment,korean beauty,korean skincare,creams,top 10,acne removal philippines,acne removal at home,acne skincare routine,joankeem,best moisturizers for acne,how to get rid of acne,how to remove pimple marks,how to remove acne scars,nivea cream review,nivea moisturizer review,조은,joan kim,nivea moisturizer review in hindi,skincare for oily skin,wrinkles,top 8 moisturiser for oily skin
ردحذف