skin care / sun protection

  skin care 

sun protection

تعالوا نشوف الاول انواع الاشعه اللى بتضر بشرتنا وواقى الشمس بيحمينا منها
عندنا نوعين
Uva : ودى بتكون الطول الموجى بتاعها كبير وبتأثر على طبقة dermisوعشان كده تاثيرها اعمق فى طبقات الجلد
Uvb :ودى بتكون الطول الموجى بتاعها اقل وبتاثر على طبقة epidermis
يا عم ده كلام فاضى انا عمرى ما حطيت واقى شمس ومش مقتنع بكلامك ده ...وبعدي تأثير ايه يعنى ؟ لونى هيغمق شويه وخلاص
واحا بنرد عليك بتأثير الاشعه دى ببساطه
كل واحده ليها تأثيرين تأثير فورى وتأثير متأخر
Uva : تاثيرها الفورى انها بتعمل تصبغ واسمرار للجلد لانها بتأثر على تكوين الميلانين المسؤل عن تصبغ الجلد
تأثيرها المتأخر انها بتعمل photo aging اللى هى علامات تقدم سن البشره زى الخطوط الرفيعه وفقد البشره لشكلها الصحى وتدمير الايلاستين والكولاجين اللى مسؤل عن المظهر الصحى للبشره
Uvb : تاثيرها الفورى انها بتعمل احمرار قوى بالبشره ممكن يوصل لعمل حرق بالبشره زى اللى بيحصل فى المصيف
التأثير المتأخر وهو سرطان بالجلد وتغير لون الجلد
يعنى لما حضرتك بتستخدم واقى شمس بتحمى نفسك من اسمرار البشره وعلامات تقدم سن البشره وسرطان الجلد وكمان بيستخدم للناس اللى عندها امراض جلديه معينه
طيب انا بلاقى عندى انواع كتيييره اوى من واقى الشمس ومعرفش ايه الفرق
نشوف الاول الفرق حسب طريقة الوقايه لكل نوع
1-mineral or physical ( reflection )
ودى بتحمينا من الشمس عن طريق reflection للاشعه ودى غالبا بتكون جوه مستحضرات واقى الشمس الخاصه بالاطفال لانها اكثر امانا لكنها وللاسف بيكون ليها شكل وبتكون ظاهره وشكلها مش حلو عشان كده ملهاش اقبال خالص الا عند الاطفال
لكن فيها ميزه انها فعاله للحمايه من uva و uvb مع بعض
امثله ليها
Titanium dioxide , zinc oxide , iron oxide
2- chemical ( absorption )
ودى بتحمينا من اشعة الشمس عن طريق الامتصاص لكن فيها عيب ان كل مركب بيكون خاص بالحمايه من نوع معين من اشعة الشمس وبنحتاج نخلط نوعين منها عشان تحمينا من uva , uvb
امثله ليها
Anti uvb : octocrylene , PABA , octyl salicylate
Anti uva : meroxyl xl
3- reflection and absorption
ودى بتشتغل بالطريقتين عن طريق الامتصاص والانعكاس ودى مشهوره جدا واشهر المواد هيه tinosorb m
سعات بنلاقى انواع كتيره من نفس الشركه ودى اختلافها بيكون باختلاف نوع البشره او العمر يعنى هتلاقى واقى شمس خاص بالاطفال وعرفنا ليه من الشرح اللى فات بس كمان هتلاقى الانواع دى
Cream : وده بيكون للبشره الجافه والعاديه والحساسه
Fluid : وده بيكون للبشره الدهنيه عشان بيكون قوامه مائى فميزودش الدهون ويعمل مشاكل للبشره الدهنيه
Milk : وده دايما بتلاقى العبوه بتاعته كبيره اكبر من الكريم ومن السائل عشان بيستخدم للجسم كامل او تغطية مساحات واسعه لان الحليب بيكون له قابليه انك توزعه وتفرده على مساحات واسعه
Tinted : وده بيكون ليه لون برونزى مناسب للنساء عشان يعوضها عن كريم الاساس
نروح لمعلومه مهمه وهيه معنى اختصار spf
Spf يعنى sun protection factor
وده يعنى ايه بقا ؟
يعنى بيمثل درجة حماية البشره من uvb
ركز
الحمايه من uvb مش uva
طيب انا بلاقى سعات مكتوب 50 او 100 او 25 ايه الاختلاف ؟؟
بص يا سيدى لو اعتبرنا ان الجلد عشان يتحرق لازم يتعرض للشمس لمدة 5 دقايق تمام كده وهنسمى ال 5 دقايق دول burning time
Burning time x spf = protection time
تعالو نحسب بقا قوة حماية واقى الشمس اللى مكتوب عليه spf 50
5 minutes x 50 = 250 minutes
يعنى اصبح الوقت اللازم لتعرض الجلد للاحتراق من الشمس هو 250 دقيقه بدل 5 دقايق
يعنى يا عم هو 5 دقايق دى ثابته ؟ لا طبعا مش ثابته بتختلف على حسب نوع البشره او وقت التعرض للشمس او مكان البلد
وعشان تريح دماغك معتش فيه حاجه اسمها واقى شمس قوته اعلى من 50 لان العلماء وجدوا ان اى زياده ملهاش اى لازمه وعشان كده تلاقى معظم واقى الشمس دلوقتى مكتوب عليه 50+ وحتى لو الرقم اللى مكتوب ده وصل ل 100 برده زيه زى اللى مكتوب عليه 50 +
حاجه تانيه بلاقيها مكتوبه على واقى الشمس وهى درجة حمايته من الميه
عندنا 3 درجات
Water resistant : maintains spf for at least 40 minutes of water exposure
Water proof : maintain spf for at least 80 minutes of water exposure
Sweat resistant : maintain spf for at least 30 minutes of heavy sweating
انت قلتلنا ان spf ده درجة الحمايه من uvb طيب وبالنسبه للحمايه من uva ??
دى ليها كذا معيار اشهرهم
Ppd ( persistant pigment darkening )
Australlian standard
وفيه معيار للاتنين سوا اسمه star system وعلى حسب عدد النجوم بيكون المنتج حمايته قويه والتصنيف بيكون حتى 5 نجوم
ازاى بقى استخدم واقى الشمس ؟
لازم نستخدمه قبل التعرض للشمس من 15 – 30 دقيقه وبنحط كميه ربع او تلت معلقة شاى على الوجه ولازم نرجع نحط منه كل ساعتين او 3 سعات حتى لو كانت قوته 100 لان ده مش كلامى ده كلام fda
طيب لو نزلت الميه ؟
بلبط براحتك بس لما تخرج من الميه استخدمه تانى
طيب انا هتوضى ؟
خلص وضوء واستخدمه تانى
طيب انا كنت بجرى وعرقت كتير
برده خلص لعب وجرى واستخدمه تانى
طيب سؤال ...فيه منتجات دلوقتى اسمها liposomal والشركات بتعمل دعايه انه بيكفى 6 سعات
شوف خليك فى المضمون لان برده دى ابحاث خاصه بالشركات ولسه غير معترف بيها رسميا وقول للعميل يستخدمها كل ساعتين
نصيحه اخيره
بالنسبه لبشرتنا المصريين متستخدمش واقى شمس اقل من 30 وهيكون 30 كافى جدا
20 و 25 معمول لسكان افريقيا السمر لانهم مش بيحتاجوا حمايه كبيره لان طبيعة جلدهم مقاومه اكتر منننا
ال 50 بيكون مناسب جدا للاوروبيين لان بشرتهم اكثر حساسيه للشمس
للشفاه غالبا هتلاقى واقى الشمس 15 وده مناسب

 اتمنى تكونوا استفدتوا