Skin care tonners

Skin care 

tonners

احنا غسلنا البشره وخليناها نضيفه جدا وكمان قشرناها بس فيه مشكله صغيره
ايه بقا ؟
ان المسام بتاعتنا اصبحت مفتوحه اوى وممكن يدخلها تراب او بكتريا بسهوله اوى وكده كأننا معملناش اى حاجه
طيب والحل ؟
الحل ان احنا نقفل المسامات دى
طيب هنقفلها ازاى ؟
هنقفلها عن طريق التونر
وقبل ما نشرح التونر لازم نعرف الاسامى المختلفه للتونر عشان لما تمسك منتج تعرف ان اللى فى ايدك ده تونر لان مش كل الشركات بتسميه تونر
ايه هيه الاسامى دى
اقولك
1 -astringent
2-skin lotion
3-pore tightner
4-pore lotion
5-skin freshener
فيه ناس ممكن تشعر انه خطوه ملهاش لازمه وده حقهم والواجب عليه انى اقنعهم باهمية الخطوه دى وكمان عشان تقدر تفرق للعميل بين فوائد التونر والغسول
اول حاجه التونر بيشيل بقايا الغسول او المقشر اللى استخدمناه او بقايا المكياج
تانى حاجه ليه خصائص تقشير خفيف فبيشيل اى بقايا للجلد الميت
تالت حاجه بيعطى احساس بالانتعاش والبروده ودى خطوه نفسيه مهمه للمستخدم
رابع حاجه الوسط بتاعه بيكون خليط من الكحول والميه فبيسهل ذوبان واختراق اى مواد فعاله ممكن نحطها بعد كده
خامس حاجه ودى الاهم انه هيقفل المسام اللى فتحناها على الاخر دى

طيب هل فى اختلاف بين مكونات التونر والغسول ؟
اه فيه اختلاف كبير
التونر مكوناته كالاتى 

1-short chain alcohol like ethanol
2-denaturated alcohol as astringent at levels 5-25% ( more commonly used )
3-metal salts of inorganic acids like aluminum sulfate and aluminum lactate
4-organic acid of low M.W like lactic and citric acid
5-vegetable extracts containing tannins like witch hazel
 

هنلاحظ ان الكحول مكون اساسى فى التونر عشان كده بيترك احساس بالبروده والانتعاش
بس هل اى تونر استخدمه لاى نوع بشره وخلاص ؟
بقولك كحول مش ملاحظ انه ممكن يحرق البشره الجافه والحساسه ؟
يبقى كده هيكون فعلا فيه اختلاف فى انواع التونر
يعنى كده فى كل حاجه احنا شرحناها انواع تناسب كل نوع بشره على حده يعنى برده مفيش حاجه اسمها اختلاف شركات ولا كله زى بعضه
طيب تعالوا كده نشوف الانواع المختلفه والمره دى انتوا اللى هتجوبوا
يلا بينا ع البشره الدهنيه
مين يقدر يقولى ممكن نضيف ايه على التونر ده ؟
ايوه انا سامع واحده هنااااااااك بتجاوب صح اهو
برافو عليكى
ممكن نحط حاجه keratolytic
مين يفكرنى ؟؟؟
ايوه انتى ياللى بتضربى عصير مانجه
صح حمض ساليسيليك عشان يقشر ويقلل افراز الدهون وكمان مقاوم للبكتيريا
ها ممكن نحط ايه تانى ؟
انت ياللى حاضن ازازة ميه كانك اخر مره هتشرب
ايووووووون نحط حاجه مضاده للبكتيريا عشان الناس اللى عندها حب شباب
زى ايه بقا ؟
زى triclosan
وزى benzalkonium chloride
والاول مشهور اكتر
‘طيب وبالنسبه للكحول هنسيبه ولا نشيله ولا نزود تركيزه؟
لا هنسيبه طبعا لانه تأثيره قوى عشان يذوب الدهون وكمان يعطى احساس بالبروده والانتعاش
برافو عليكوا كده مجهودى جه بنتيجه
نيجى بقا للبشره العاديه او الجافه او الحساسه
هل ينفع بذمتك يا دكتوره ويا دكتور نحط كحول ؟
لا طبعا مينفعش لانه ممكن يعمل احمرار وحساسيه
طب هل ينفع نحط tannins
لا برده مينفعش
طيب والحل ؟
ارجع لمكونات التونر هتعرف ان فيه بدايل بس اهم حاجه ابعد عن الكحول والتانين

طيب استنى
والاحساس بالبروده اللى بيتمتع بيه اللى بشرته دهنيه عشان الكحول ؟ كده ظلم بقاااااااا
لا متقلقوش هنعوض الكحول بالمنتول
وكده المنتول هيديله الاحساس بالبروده والانتعاش برده
طيب استنى انت مش ناسى حاجه ؟
اه ناسى لان الاكل طبق على مراوحك ومش قادر تفكر
البنت الرقيقه اللى بشرتها حساسه ولا بشرتها جافه عايزين نحط مرطب
ممكن ؟
اه ممكن
هنحط allantoin

كده خلصنا الغسول والتقشير والتونر
ولازم بعد اللى عملناه فى البشره ده نعمل ايه ؟
نرطبها عشان نرجعلها حيويتها ونضارتها