هو الكلام دا بجد ؟؟؟ معاناة ام لطفلة مريضة

معاناة ام لطفلة مريضة 
 
لا كدة كتير بجد مش فادرة اسكت يعني الي بيحصل في
‫#‏مستشفي_مجدي_يعقوب‬ هو الي عدل ...!
حملة تنجيم واضحة جدا لمجدي يعقوب قجأة كدة
هو في ايه ..!!!
طبعا كل دة بيصب في الاخر لتبرعات اكبر لصالح مستشفي مجدي يعقوب بما اننا في موسم التبرعات .
طبعا انا في الاول كنت زي اغلبية الناس ال 90 % من الي بيشوفوا الاعلان و اتبرعنا و بعتنا مسج فيها كلمة قلب و احنا فرحانين اوي. بس للاسف بعدها بوقت قليل اصبحت من النسبة النادرة الي حاولوا يتعاملو مباشرة مع مستشفي مجدي يعقوب بصفتي ام لطقلة مريضة مش بصفتي متبرع و للاسف مفاجأأت احب الناس تعرفها
بداية من ان مفيش تليفون بيرد عليك غير بعد 30 دقيقة انتظار و في الاخر
عشان يقولك ايه هي طريقة التبرع و ارقام الحسابات طيب يا ست الكتكوتة الي بتردي علي الخط الساخن علي دماغك انا بنتي حالة حرجة جدا الدكاترة قالوا عمليتها مبتتعملش في مصر غير فمستشفي ‫#‏مجدي_يعقوب‬ عايزة اعالجها للاسف يا فندم مش تخصصي يعني انتوا قاعدين تلموا تبرعات ليه لما المريض اصلا مش قادر حتي يحجز معاد للكشف.. تقولي اتصلي بالرقم دة و الرقم دة اكتر من 50-60 اتصال و مبيردوش و دة رقم موبايل اصلا ...!
طيب انا عايزة اعمل شكوي
ماشي يا فندم انا حوصل الشكوي
قولتلها انتي واجدة مش مسئولة و بجد انتوا ختتخاسبوا و قفلت السكة
ايميلات محدش بيرد
طب و بعدين يعني اعمل ايه
ادور علي النت الاقي مئات الحالات بيكلموا بعض و بيقولوا انهم مش قادرين يوصلوا
لقيت ناس كاتبة ان هما مش بيردوا و ان الي عنده حالة يبعت التقارير بالبريد و فيها ارقام التليفون و هما حيتصلوا.
بعتنالهم محدش رد . عم الطفلة جه من الكويت و سافر بنقسه لاسوان عشان بس يوصل التقارير كأن مفيش حاجة اسمها ايميل ماشي عديها. محتاجين واسطة عشان تقدر تدخل من باب الجنة قصدي باب المستشفي عشان بس تديهم التقارير الي في الاخر تقريبا حيتاكل عليها فول و فلافل
وصلت التقارير محدش برده عبرنا .
سافرت انا و زوجي تالت محاولة عشان بس حد يرد علينا . قمة الاهانة و الاذلال في التعامل مع اليشر علي اساس انهم بيشحتوا منهم لانهم رايحين يتعالجوا مجانا و هما اصلا سواء موظفين او دكاترة بياخدوا اعلي مرتبات من التبرعات دي .
اول ما توصل لسة في الجنينة الي برة المركز تلاقي واحد واقف امن كدة يقولك جاي تعمل ايه ( شغل موظفين الجكومة و نظام تعالا بكرة ) جاي اقدم تقارير يقولك طيب واحد بس الي يدخل ...! ايه الهبل دة مش فاهمة
اعترضنا بكل ارف قال خلاص ادخلوا . اول ما تفتح الباب تلاقي اتنين امن واقفين وراه يقولك عايز ايه . يا سيدي جاي اجيب تقارير بنتي محتاجة عملية طبب اقف هنا استني ( علما ان في كراسي فاضية للانتظار )
ماشي واقفين ( ان كان لك عند الكلب حاجة )
بعدها بحبة يلا ادي الورق للانسة . الانسة قاعدة علي مكتب في الرسيبشن
ايه الورق دة اصل مش حينفع اخده قولتلها الله يحليكي خلينا نقابل دكتور عشان نفهم في امكانية العملية تتعمل هنا ولا لا احنا جايين من اسكندرية .بصيتلي كدة و من الاخر صعبت عليها قالتلي طيب اوك انتظروا حابة اشوف دكتور فاضي اعرض عليه التقارير.
قولت ماشي كان في كرسي فاضي في كراسي الانتظار قعدت عليه راج جاي الراجل بتاع الامن السخيف يقولي الكراسي دي للمرضي . ( ما هو مفيش اصلا حد واقف ) الناس كلها قاعدة
قلتلوا ماشي و وقفت . جه الدكتور و يبدو عليه ملامح التأثر لصعوبة الحالة قالنا فعلا العملية دي مش بتتعمل في مصر غير عندنا . اول ما الطفلة تتولد حتبعتولنا تقارير جديدة و حنكلمكوا فورا نحدد معاد العملية لان الحالة دي مينفعش تستني . فرجنا اووي و مشينا بعد الولادة بعتنا التقارير فورا و البنت دخلت الحضانة في انتظار انهم يتصلوا يقولولنا معاد العملية و محدش رد علينا و نتصل علي رقم ومبايل واحدة اسمها سارة المفروض انها السكرتيرة الي حتستلم التقارير و مبترضش و ابعتلها مسجات مترضش .
لحسن حظنا دكتور قلب في اسكندريه اسمه ‫#‏ممدوح_الغندور‬ شاف حالة البنت و حظرنا
من الاعتماد علي مجدي يعقوب لان للاسف كل الحالات الي عدت عليه في حالات مشابهة اتوفوا و هما علي امل ان المستشفي ترد عليهم .
في الوقت دة راسلت مستشفيات في اكتر من دولة خارج مصر و ارسلتهم التقارير و اتعرضت التقارير علي اكبر جراحين في العالم و بعتوا الرد في اقل من 48 ساعة
و الرد كان عملية قلب مفتوح فورا قبل ما البنت تتم شهر .
و مستشفي مجدي يعقوب لسة راميين التقارير و مش حاسين بحاجة و انا فقدت الثقة في مؤسسة فاشلة و قلت حتي لو ردوا انا مش حديهم بنتي يضيعوهالي .
و بدأت اجراءات السفر و يوم ما استلمت الباسبورت بتاع بنتي و طالعة لقيت المستشفي بتتصل اخيرا ماشي خير
رديت لقيت واجدة سخيفة الي هي سارة بتقولي معلش انا مكنتش برد علي مكالماتك اصل الحالة مش Urgent ..!
قولتلها بجد فرحتيني قالتلي اه بصي الدكتور بيقولك ان متقلقيش خاالص و البنت كويسة خااالص و لما يبقي عندها 6 شهور اعمليلها echo و ابعتيلنا التقارير الجديدة بتاعتها (للي ميعرفش الحالة دي اصلا في الغالب مش حتعيش 6 شهور لو معملتش العملية )
قولتلها الكلام دة غلط و انا سألت دكاترة كتير في العالم و الكلام دة غلط ممكن تبعتيلي علي الميل تقرير مكتوب و ممضي من الدكتور قالتلي لا مش بندي تقارير قفلت السكة فوشها
و بعت شكوي للمؤسسة الي اسمها Chain Of Hope دي مؤسسة بتدعمهم
و سافرت و البنت عملت عملية و هي عندها 20 يوم في ايطاليا و الحمد الله
لكن في مئات زينا و صدقوا و انتظروا و فقدوا اطفالهم بسبب المستشفي دي .
PLEASE SHARE