*في الصيدلية*
أول زبون:
- الحياة في مصر حرام والله يا دكتور.. الجو بقى مليان جراثيم
-- وانا أعملك إيه؟
- قولي صابونة "ديتول" بكام عندكم؟
-- بـ ٢٥ جنية
- .........؟!
-- أجيبلك واحدة؟!
- لا خلاص انا هستحمى بصابون سايل
-- طيب والجراثيم؟!
- هحميها معايا 😁
تاني زبون:
= كل يوم بامبرز بامبرز بامبرز.. المرتب كله رايح عالبامبرز..
-- بالراحة يا استاذ لا يجرالك حاجة.. حد قالك تخلف في الايام السودة دي؟.. استهدى بالله بس..
= لا اله الا الله.. انا تعبت يا دكتور.. كل اسبوع بشتري علبة بامبرز بـ٩٠ جنية.. لما إتخرب بيتي
-- معلش.. هتعمل ايه؟ حد قالك تخلف في الايام السودة دي؟
= هعمل ايه في بختي المايل؟
-- دا بخت الطفل هو اللي مايل.. دا هيشوف ايام سودة.. قولي عاوز ايه؟
= هعوز ايه يعني.. هاتلي علبة بامبرز.. وآدي التسعين جنيه
-- بس دي بقت بـ ١٥٠ جنيه
= ١٥٠ جنيه ليييييه؟! مالها الكافولة؟..
دا انا بصرف على شخاخ البت شهريا 😂 أكتر ما بصرف على أكل البيت كله
-- حد قالك تخلف في الايام السودة دي؟!
تالت زبون:
> والنبي يا ابني عاوزة العلاج بتاعي
-- إسمه ايه يا حجة؟!
> مش عارفة.. بس علبته كانت صفرا كدة
-- هو كريم؟
> وانا مالي يابني هو كريم ولا بخيل.. هو انا هناسبه؟!
-- صبرني يا رب.. يا حجة العلاج بتاعك دا كريم ولا برشام ولا دواء
> ولا حاجة من دول.. دا كان مرهم
-- ما المرهم كريم يا حجة
> وهو كمان بيشكر فيك والله.. دايما يقول عليك كريم وابن ناس
-- هو مين؟
> المرهم..
-- ما علينا.. يعني يا حجة هو كان كريـ... كان مرهم أصفر.. صح؟
> اه يابني صح
-- كنتي بتاخديه ليه؟
> إيه السؤال الغبي دا؟ باخده عشان اخف.. هكون باخده ليه يعني!
-- انا اللي غبي؟!
كنتي بتاخديه عشان تخفي من إيه يا أمي؟
> مش عارفة.. بس هو كان بيرحني
-- طيب مفيش اي معلومات تانية غير انه مرهم أصفر وبيريحك؟
> همممممممم كان بنص ريال
-- ..........؟!
> ..........؟
-- مفيش يا حجة.. معنديش مرهم بنص ريال خالص.. الاسعار ولعت يا حجة والنص ريال دا اتلغى من ايام الرئيس عبد الناصر الله يرحمه
> إيه دا.. هو ناصر مات؟!
-- إنتي كنتي في الكهف ولا إيه؟ آه ناصر مات
> الله يرحمه.. مالحقش يحقق حلمه ويأمم قناة السويس
-- آه انا عرفت مرضك.. انتي عندك زهايمر
> لا والله يابني انا عندي سامية وهناء بس.. للاسف مابخلفش صبيان >>>><<<<
أول زبون:
- الحياة في مصر حرام والله يا دكتور.. الجو بقى مليان جراثيم
-- وانا أعملك إيه؟
- قولي صابونة "ديتول" بكام عندكم؟
-- بـ ٢٥ جنية
- .........؟!
-- أجيبلك واحدة؟!
- لا خلاص انا هستحمى بصابون سايل
-- طيب والجراثيم؟!
- هحميها معايا 😁
تاني زبون:
= كل يوم بامبرز بامبرز بامبرز.. المرتب كله رايح عالبامبرز..
-- بالراحة يا استاذ لا يجرالك حاجة.. حد قالك تخلف في الايام السودة دي؟.. استهدى بالله بس..
= لا اله الا الله.. انا تعبت يا دكتور.. كل اسبوع بشتري علبة بامبرز بـ٩٠ جنية.. لما إتخرب بيتي
-- معلش.. هتعمل ايه؟ حد قالك تخلف في الايام السودة دي؟
= هعمل ايه في بختي المايل؟
-- دا بخت الطفل هو اللي مايل.. دا هيشوف ايام سودة.. قولي عاوز ايه؟
= هعوز ايه يعني.. هاتلي علبة بامبرز.. وآدي التسعين جنيه
-- بس دي بقت بـ ١٥٠ جنيه
= ١٥٠ جنيه ليييييه؟! مالها الكافولة؟..
دا انا بصرف على شخاخ البت شهريا 😂 أكتر ما بصرف على أكل البيت كله
-- حد قالك تخلف في الايام السودة دي؟!
تالت زبون:
> والنبي يا ابني عاوزة العلاج بتاعي
-- إسمه ايه يا حجة؟!
> مش عارفة.. بس علبته كانت صفرا كدة
-- هو كريم؟
> وانا مالي يابني هو كريم ولا بخيل.. هو انا هناسبه؟!
-- صبرني يا رب.. يا حجة العلاج بتاعك دا كريم ولا برشام ولا دواء
> ولا حاجة من دول.. دا كان مرهم
-- ما المرهم كريم يا حجة
> وهو كمان بيشكر فيك والله.. دايما يقول عليك كريم وابن ناس
-- هو مين؟
> المرهم..
-- ما علينا.. يعني يا حجة هو كان كريـ... كان مرهم أصفر.. صح؟
> اه يابني صح
-- كنتي بتاخديه ليه؟
> إيه السؤال الغبي دا؟ باخده عشان اخف.. هكون باخده ليه يعني!
-- انا اللي غبي؟!
كنتي بتاخديه عشان تخفي من إيه يا أمي؟
> مش عارفة.. بس هو كان بيرحني
-- طيب مفيش اي معلومات تانية غير انه مرهم أصفر وبيريحك؟
> همممممممم كان بنص ريال
-- ..........؟!
> ..........؟
-- مفيش يا حجة.. معنديش مرهم بنص ريال خالص.. الاسعار ولعت يا حجة والنص ريال دا اتلغى من ايام الرئيس عبد الناصر الله يرحمه
> إيه دا.. هو ناصر مات؟!
-- إنتي كنتي في الكهف ولا إيه؟ آه ناصر مات
> الله يرحمه.. مالحقش يحقق حلمه ويأمم قناة السويس
-- آه انا عرفت مرضك.. انتي عندك زهايمر
> لا والله يابني انا عندي سامية وهناء بس.. للاسف مابخلفش صبيان >>>><<<<
تعليقات
إرسال تعليق