ترطيب الشتاء - Winter moisturizers
-------------------------------------------------------------------------------
1- في ال365 بتوع السنة بشره الجسم بتتعرض للاسمرار والبقع وزياده التصبغات hyperpigmentation لكن الصيف والشتاء قسموا الاماكن اللي هيسمروها
- الصيف رفع حواجبه وقال انا معايا الشمس واي حته في البشره هلمحها بس مش متغطيه هسود عيشتها عشان كده التصبغات اللي بيحبها بتكون في الوجه والرقبه والقفا لا مؤاخذه والايدين
2- الbabies اللي ربنا خلقهم ببشره تاتوبيه شديده الجفاف او حتي الكبار اللي مصابين بيها atopic dermatitis نوع رخم من الجفاف الشديد للبشره نوع كأنه اكزيما كده. كان الترطيب لمره واحده في اليوم بيكفيهم في الصيف ..اما دلوقتي في الشتاء الترطيب لازم كل اربع او 6 ساعات ومش اي مرطب دي مرطبات قويه وليها مواصفات خاصه ومواد فعاله مش بس مهمتها استعادة ترطيب البشره لكن كمان تعويض للدهون المفقوده ومضاد للالتهابات والتهيجات اللي بتحصل للبشره نتيجه جفافها الشديد ********************************************************
3- الشفاه بتتعرض لمشكلة كبيره في حالة عدم الحصول علي الترطيب الشديد اليومي واستعادة لمرونتها وتعرضها للهواء والجفاف الناتج عنه بيجعلها شفاه رقيقه متششقه جدا وترطيبها بمرطبات تحتوي علي حواجز يحميها من الهواء مع مواد عاليه الاختراق توصل لاماكن الشفاه من الداحل بالكامل زي الهيالورونيك ومواد ترطيب عاليه غير مؤذيه في حالة نقص جودتها زي فيتامين E
- المشكلة بتتضاعف 5 مرات في حالة لو كنت بتاخد مادة الايزوتريتينوين Isotretinoin لحب الشباب زي net look كده فتشقق وجفاف الشفاه لازم له مرطب عالي جدا جدا مكوناته تبقي شديده جدا ويتكرر كل ساعتين بالظبط عشان لو محصلش كده الشفاف مش بس هتشقق او تجف الشفاه هتجيب دم اكتر من مره في اليوم
*********************************************************
4- الايدين والرجلين موضوع كبير جدا في الشتاء لانهم مش بس اماكن مكشوفه لهواء وبروده الشتاء لكن كمان معرضين يوميا للماء اكتر من 5 مرات يوميا فالمرطب المطلوب لهم بيبقي له شروط خاصه قادر انه يعمل حاجز وايضا يبقي معاه مادة مقشره تعيد الجلد لو ضعه الطبيعي
5- الشعر خصوصا المكشوف مشكلة كبيره جدا هو كمان في الشتاء لكن هنتكلم عنه في البوست الجاي عشان محتاج كلام كتير في ازاي الجفاف بيسسب له مشاكل كتير جدا ***********************************************************
اقرا ايضا
روتين للعناية بالبشرة المختلطة الجافة غير الحساسه
skin care / sun protection
skin care moisturizes 3
skin care moisturizes 2
skin care moisturizes
Skin care tonners
التقشير الفيزيائى- التقشير الكيميائى- Exfoliation
الخطوات الاساسيه للعنايه بالبشره / cleansing
أنواع البشرة skin care
- لو انت صيدلي او دكتور متنساش تنضم للجروب على الفيس بوك
- - ولو انت مهتم بالبشرة والشعر متنساش تعمل لايك لصفحة د ياسر
تعليقات
إرسال تعليق