((((بوست للتاريخ ونحطه ادامنا وحلق فى ودننا كدا)))
صيادلة كتير بتتعرض لموضوع تسجيل الصاحب بمعنى أن شخص سواء صيدلى او غير صيدلى او حتى احدى سلاسل الصيدليات محتاج ياخد رخصتك فى فتح مشروع صيدلية فى بلد ما
اغلب الصيادلة بتسأل على جروبات المهنة بحسن نية لأنهم مش فاهمين حيثيات الموضوع
من غير ماتتقلب لخناقة وإهانة ممكن نفهم مع بعض سلبيات وايجابيات الموضوع دا :
١- هتسجل صاحب يعنى اسمك هيبقى على يافطة الصيدلية من برا
٢- عقد ايجار المكان وعدادات المياه والكهرباء والضرائب والتأمينات والسجل التجارى وجميع الاوراق اللى هتمشى فى إجراءاتها هتكون باسمك وبالتالى امام القانون حضرتك مسؤول عنها مسؤولية كاملة
٣-عشان يتوافق على الاسم التجارى للصيدلية لازم الملف يعدى على النقابة التابعة ليها الصيدلية ... ((نقطة مهمة وصحصحوا )))... النقابة فيها لجنة اسمها لجنة التحريات واللجنة دى وظيفتها تنزل تسأل وتتحرى فى بلد الصيدلية هل هى فعلا ملك للصيدلى ولا شخص آخر
اللجنة بتنزل تسأل الصيدليات اللى حواليك واهل البلد وصاحب البيت اللى فيه الصيدلية
لو حضرتك هتفتح فى بلد كلهم عارفين بعض او ارياف مثلا بسهولة هيبان أن الصيدلى مش الصاحب الاصلى
المناطق اللى زى دى كلهم عارفين بعض وبينتشر فى البلد كلها أن فلان هيفتح لابنه مشروع صيدلية او فلان فتح صيدلية
فى الحالة دى اللجنة هتستدعيك وتواجهك بتقريرها وكلام شهود انك مش الصاحب الاصلى وهيتوجهلك انذار بسحب الترخيص فورا بعدها من حقهم يحولوك للجنة تاديب ورفض ترخيص المكان
٤- عشان بعض الصيادلة اللى بتفتى وتقول انا هعمل توكيل لصاحب المكان وهو يروح يخلص أوراقه بنفسه وانا كدا مش مسؤول عن حاجة
(((حضرتك غلطان وبتودى نفسك فى داهية))))
عمل التوكيل دا فقط لاستكمال الاوراق انما مش هيعفى حضرتك من اى مسؤولية قانونية
لو عامل التوكيل لشخص صيدلى او لاحد اقربائك من الدرجة الأولى أو المحامى الخاص بيك مثلا هيقدر يخلص أوراقه ويفتح الصيدلية ويقدر يباشر أعمالها بالنيابة عنك لكن مش هيمنع عنك خطر
ولو عامل التوكيل لشخص غير صيدلى كأنك بتقول ياللى متعرفش اعرف أنى بايع اسمى لواحد مش صيدلى ويبقى وديت نفسك فى داهية من بابه
٥- بعد مالصيدلية تفتح وتبدأ تمارس عمل حضرتك مسؤول عن كل كبيرة وصغيرة فيها او الشخص اللى معاه منك توكيل
٦- المدير مش مسؤول عن كل حاجة فى الصيدلية زى ما اغلب الصيادلة فاكرة ٠٠ اى تعاملات مادية سواء ضرائب او تامينات او سحب من الشركات هو ملوش اى علاقة بيها
المدير نفسه لو اتعمله محضر حضرتك هتبقى مشترك معاه فيه برده
٧- لو حصل اى مشكلة فى الصيدلية وحابب تمشى مش بيبقى بسهولة
المدير ممكن يروح الادارة يترك او يطلع على اقرب مكتب بريد يبعت جواب ترك مسجل بعلم الوصول وكدا قصته تبقى خلصت
الصاحب مختلف اما هتروح تقدم طلب للإدارة لالغاء الترخيص ودا بياخد وقت او هتجيب صيدلى تانى تعمله تنازل عن الترخيص ودا بياخد وقت اطول واوراق كتير جدا
٨- مفيش شخص هيدفع مبلغ وقدره ويعملك كل حاجة باسمك فى الصيدلية وهيسيبك ويمشى ممكن انت تصحى الصبح تبيع الصيدلية والترخيص وهو ملوش عندك حاجة
فى الحالة دى صاحب المكان بيكتب عليك وصل أمانة على بياض او كزا شيك بقيمة اللى اندفع فى التجهيزات والتشطيب
٩- راتب الصاحب اقل بكتير من راتب المدير
١٠-لازم تاخد بالك أن اللى هترخصله سواء صيدلى او غير صيدلى لو سحب من شركات الأدوية ولم يتم التسديد ممكن توصل لتشميع الصيدلية وحكم غيابى عليك بدون ماتعرف ونفس الشيء فى الضرائب والتأمينات
١١- مفيش حد يقولك انا بس هاخد اسمك احجز مكان والصيدلية هتفضل مقفولة لحد ما فلان الفلاني قريبى يتخرج وهنقلها باسمه وافتح ويفضل يحلفلك بكل الميتين والصاحيين انها مش هتتفتح
بعد شوية هيستخسر اللى دفعه ويستخسر قفلتها وهيفتحها ويشتغل وانت ولا عارف حاجة
فى النهاية الموضوع مش مستاهل المجازفة لا لصيدلى ولا لغير صيدلى
صيادلة كتير بتتعرض لموضوع تسجيل الصاحب بمعنى أن شخص سواء صيدلى او غير صيدلى او حتى احدى سلاسل الصيدليات محتاج ياخد رخصتك فى فتح مشروع صيدلية فى بلد ما
اغلب الصيادلة بتسأل على جروبات المهنة بحسن نية لأنهم مش فاهمين حيثيات الموضوع
من غير ماتتقلب لخناقة وإهانة ممكن نفهم مع بعض سلبيات وايجابيات الموضوع دا :
١- هتسجل صاحب يعنى اسمك هيبقى على يافطة الصيدلية من برا
٢- عقد ايجار المكان وعدادات المياه والكهرباء والضرائب والتأمينات والسجل التجارى وجميع الاوراق اللى هتمشى فى إجراءاتها هتكون باسمك وبالتالى امام القانون حضرتك مسؤول عنها مسؤولية كاملة
٣-عشان يتوافق على الاسم التجارى للصيدلية لازم الملف يعدى على النقابة التابعة ليها الصيدلية ... ((نقطة مهمة وصحصحوا )))... النقابة فيها لجنة اسمها لجنة التحريات واللجنة دى وظيفتها تنزل تسأل وتتحرى فى بلد الصيدلية هل هى فعلا ملك للصيدلى ولا شخص آخر
اللجنة بتنزل تسأل الصيدليات اللى حواليك واهل البلد وصاحب البيت اللى فيه الصيدلية
لو حضرتك هتفتح فى بلد كلهم عارفين بعض او ارياف مثلا بسهولة هيبان أن الصيدلى مش الصاحب الاصلى
المناطق اللى زى دى كلهم عارفين بعض وبينتشر فى البلد كلها أن فلان هيفتح لابنه مشروع صيدلية او فلان فتح صيدلية
فى الحالة دى اللجنة هتستدعيك وتواجهك بتقريرها وكلام شهود انك مش الصاحب الاصلى وهيتوجهلك انذار بسحب الترخيص فورا بعدها من حقهم يحولوك للجنة تاديب ورفض ترخيص المكان
٤- عشان بعض الصيادلة اللى بتفتى وتقول انا هعمل توكيل لصاحب المكان وهو يروح يخلص أوراقه بنفسه وانا كدا مش مسؤول عن حاجة
(((حضرتك غلطان وبتودى نفسك فى داهية))))
عمل التوكيل دا فقط لاستكمال الاوراق انما مش هيعفى حضرتك من اى مسؤولية قانونية
لو عامل التوكيل لشخص صيدلى او لاحد اقربائك من الدرجة الأولى أو المحامى الخاص بيك مثلا هيقدر يخلص أوراقه ويفتح الصيدلية ويقدر يباشر أعمالها بالنيابة عنك لكن مش هيمنع عنك خطر
ولو عامل التوكيل لشخص غير صيدلى كأنك بتقول ياللى متعرفش اعرف أنى بايع اسمى لواحد مش صيدلى ويبقى وديت نفسك فى داهية من بابه
٥- بعد مالصيدلية تفتح وتبدأ تمارس عمل حضرتك مسؤول عن كل كبيرة وصغيرة فيها او الشخص اللى معاه منك توكيل
٦- المدير مش مسؤول عن كل حاجة فى الصيدلية زى ما اغلب الصيادلة فاكرة ٠٠ اى تعاملات مادية سواء ضرائب او تامينات او سحب من الشركات هو ملوش اى علاقة بيها
المدير نفسه لو اتعمله محضر حضرتك هتبقى مشترك معاه فيه برده
٧- لو حصل اى مشكلة فى الصيدلية وحابب تمشى مش بيبقى بسهولة
المدير ممكن يروح الادارة يترك او يطلع على اقرب مكتب بريد يبعت جواب ترك مسجل بعلم الوصول وكدا قصته تبقى خلصت
الصاحب مختلف اما هتروح تقدم طلب للإدارة لالغاء الترخيص ودا بياخد وقت او هتجيب صيدلى تانى تعمله تنازل عن الترخيص ودا بياخد وقت اطول واوراق كتير جدا
٨- مفيش شخص هيدفع مبلغ وقدره ويعملك كل حاجة باسمك فى الصيدلية وهيسيبك ويمشى ممكن انت تصحى الصبح تبيع الصيدلية والترخيص وهو ملوش عندك حاجة
فى الحالة دى صاحب المكان بيكتب عليك وصل أمانة على بياض او كزا شيك بقيمة اللى اندفع فى التجهيزات والتشطيب
٩- راتب الصاحب اقل بكتير من راتب المدير
١٠-لازم تاخد بالك أن اللى هترخصله سواء صيدلى او غير صيدلى لو سحب من شركات الأدوية ولم يتم التسديد ممكن توصل لتشميع الصيدلية وحكم غيابى عليك بدون ماتعرف ونفس الشيء فى الضرائب والتأمينات
١١- مفيش حد يقولك انا بس هاخد اسمك احجز مكان والصيدلية هتفضل مقفولة لحد ما فلان الفلاني قريبى يتخرج وهنقلها باسمه وافتح ويفضل يحلفلك بكل الميتين والصاحيين انها مش هتتفتح
بعد شوية هيستخسر اللى دفعه ويستخسر قفلتها وهيفتحها ويشتغل وانت ولا عارف حاجة
فى النهاية الموضوع مش مستاهل المجازفة لا لصيدلى ولا لغير صيدلى
تعليقات
إرسال تعليق