علاج جديد لامراض السرطان - الأمل

 طفرة طبية في علاج اللوكيميا 💉 Kymriah
امس اعلنت ال FDA عن اعتمادها اول علاج جيني لعلاج بعض انواع اللوكيميا
• فيه نوع من انواع اللوكيميا اسمه Acute Lymphoblastic Leukemia (ALL) وده نوع خطير بيصيب الاطفال والمراهقين واول الشباب (من عمر 3 ل 25 سنة)
• النوع ده ببساطة عبارة عن ان خلايا النخاع في الجسم بتنتج نوع من انواع كرات الدم البيضاء اللي هو Lymphocytes غير طبيعية وفي حجم اقل من الطبيعي
👈🏻 العلاج الجديد اللي هو Kymriah " tisagenlecleucel " ببساطة هو عبارة عن علاج مخصص لكل شخص
حاجة بتتعمل لكل واحد منفردا بناء على جيناته والحمض النووي بتاعه
*** طب ازاااي🤔***
• يؤخذ من المريض نوع من ال Lymphocytes بتاعته وهي ال T-Cells (نوع من خلايا كرات الدم البيضاء) واللي لها دور قوي في المناعة
•يتم ارسال ال T-Cell الخاصة بالمريض الى مراكز تصنيع مخصصة
• يتم تعديلها جينيا بحيث تحتوي على جين معين بيجعل ال T-Cells تتوجه تلقائيا وتتعرف على خلايا اللوكيميا من خلال Antigen معين على سطحها اسمه CD19 وتبدأ تهاجمها
***الاعراض الجانبية 👎🏿 ***
• نتايج Kymriah كانت ممتازة ولكن مشكلته ان بعض الحالات ظهر عليها اعراض جانبية خطيرة اللي قد تؤدي للوفاة في بعض الحالات لو لم يتم التعامل معها بشكل دقيق للغاية
اشهر المشاكل اللي ظهرت كانت
• مشاكل في الاعصاب
• انخفاض الضغط
• العدوى الخطيرة جدا
• ارتفاع شديد في درجة الحرارة
• فشل كلوي
• انخفاض الاكسجين في الجسم
👌🏻 لذلك ال FDA وضعت شروط قاسية لاستخدام العلاج الجديد ده ولازم مستشفيات معينة مهيئة للعلاج واطباء متخصصين ومرخصين لاستخدام النوع ده من العلاج
*** نظرة امل ♥️***
على الرغم من ان العلاج لسه في نوع معين من الاورام وله اعراض جانبية كتير وله قيود قوية في الاستخدام
ولكن ده طفرة جديدة في الطب ونقلة نوعية لفتح باب بحث كبير جدا واكتشاف طرق جديدة للعلاج وتوسيع دائرة الامراض اللي يشملها وتقليل الاعراض الجانبية
تمنياتنا بالشفاء العاجل لكل مرضى الاورام خصوصا وكل المرضى عموما
بالتوفيق
#اوصف_صح
#moamen_attya