حب الشباب
موضوع مهم جد عن حب الشباب🌸 السلام عليكم ورحمة الله وبركاته 💙
موضوع النهاردة مهم جدا جدا وهو 👈
🙄 حبوب الشباب 😣
كتير من الناس بيعانوا من مشكلة حبوب الشباب اللي بتدي مظهر سئ للبشرة وبتكون مزعجة جدا جدا ..
طبعا أصحاب البشرة الدهنية هم اكتر ناس بيعانوا من النوعية دي من المشاكل وكنا اتكلمنا عنها وعن العناية بيها قبل كده ..
كمان فيه اسباب تانية بتزود المشكلة دي هنتكلم النهاردة عنها .. عشان نقدر نتفادى اسباب المشكلة بقدر الإمكان 🌸
1- الضغط النفسي :
و ده لأن الجسم لما بيتعرض لضغط نفسي بيقوم بإفراز هرمون CRH اللي بيشتغل علي الغدد الدهنية في الجلد ويزود افراز ال sebum فينتج عن الإفراز الزائد انسداد المسامات وتكون الحبوب .
2- التغيرات الهرمونية :
زي تغير نسبة الهرمونات اثناء الدورة الشهرية .. لما البروجستيرون يزيد في الجسم يزود افراز ال sebum عن طريق الغدد الدهنية في الجلد وبالتالي تزيد الحبوب .
كمان التغيرات الهرمونية المصاحبة لفترة البلوغ والحمل .. وكمان استخدام ال steroids وال androgens بيسببوا نفس المشكلة .
3- استخدام حبوب منع الحمل :
و ده نظرا لاحتوائها على البروجستيرون اللي اتكلمنا عنه في النقطة اللي فاتت .
4- نقص حمض اللينوليك (اوميجا 6) :
و ده نقصه بيخلي البشرة تنتج ال sebum باستخدام حمض الأوليك فينتج عنه إن ال sebum يكون قوامه سميك جدا ويسد المسامات ويكون الحبوب ..
وكنا اتكلمنا عنه في بوست سابق وعن كيفية حل المشكلة دي .
5- منتجات الحليب :
و ده بسبب احتوائها على بعض الهرمونات اللي بتحفز افراز ال sebum .
6- بعض مستحضرات التجميل :
خصوصا المستحضرات اللي بتحتوي علي لانولين وزبدة الشيا و stearate و زيت جنين القمح وزيت اللوز وحمض ال lauric .. عشان كده يفضل استخدام مستحضرات تجميل جودتها كويسة وكمان إزالة الميك أب يوميا قبل النوم لمنع انسداد المسامات .
7- التعرض لأشعة الشمس :
و طبعا التعرض لأشعة الشمس بيسبب كتير من المشاكل زي الحبوب والتهاب البشرة والبقع السوداء والتجاعيد .. عشان كده يفضل استخدام واقي شمس مناسب للبشرة في حالة التعرض لأشعة الشمس لفترات طويلة من اليوم .
8- بعض أنواع الطعام :
زي الشوكولاتة و المكسرات ومنتجات القمح والخبز والمكرونة و المشروبات الغازية والقهوة وال fast food زي البرجر و البروستد ..
الابتعاد عن الاكلات دي واتباع نظام صحي يحتوي على الفواكه والخضروات عشان الفيتامينات والمعادن زي فيتامين E والزنك مهمين جدا لنضارة البشرة وتقليل الحبوب والالتهاب .
تعليقات
إرسال تعليق