مع دخول المدارس لازم تهتم بالحاجات اللي هاقول لك عليها الوقتي عشان ابنك او بنتك

زي ما رحت تجيب "سبلايز" ابنك القمّور , و هو داخل KG1 , لازم تهتم بالحاجات اللي هاقول لك عليها الوقتي , لآنها أفيد له من كل السبلايز !! ..

• بلاش تسمع كلام المدرسة , و تجيب "ديتول" مطهر لليدين , .. كفاية الـ wipes (المناديل المبللة) , بدون كحول , عشان ينضف بيها أيديه بعد نشاطات التلوين و الصلصال , لو مفيش إمكانية لغسلها يعني .. و ده لإننا بـ "الديتول" بشجع على حدوث مقاومة للمضادات الحيوية , لما نقتل بكتيريا غلبانة على إيدين الواد , من غير ما تضره في شيء .. الديتول المفروض يستخدم في المستشفيات فقط .. و كذلك "لايف بوي" أو "سيف جارد" !! ..

• و انت بتجيب له "صيص زراعة" عشان يزرع و يقلع  , ما تنساش تزرع فيه كيفية مواجهة التنمر , و علّمه إزاي يتصرف في حالة تعرضه للضرب مثلا من أحد زمايله .. و الحل بسيط : علّمه المواجهة في 3 مراحل :

1. خليه يبص للولد المهاجم , و يقول له بحدة و صوت عالي "ماتضربنيش" .. لو مانفعش , ننفذ (2)
2. خليه يمسك إيد الولد و ينزلها لتحت بعنف , و يبرق له بقوة , و يقول له نفس الكلمة .. لو ما نفعش , ننفذ (3)
3. خليه يرد للولد نفس الضربة اللي انضربها , و يعلّي صوته بنفس الكلمة .. و ماحدش يقول لي "المدرسة حتزعل" .. لو كان زعلها فارق , ماكانش الولد التاني اعتدى في البداية .. و لكن حتى لو تم عقابهم سوا على يد المدرسة , التنمر مش حيحصل للولد تاني بإذن الله ..

• و انت بتجيب له Glue (صمغ) , ساعده على إنه يلزق المعلومات كويس في دماغه , عن طريق تحسين كفاءة مخه , من خلال استخدام شراب "سيربروفورت" .. طب ده أمان يا دكتور ؟؟!! .. أمان جدا يا غالي , خاصة لو ابنك بيعاني من التوهان و التشتت و صعوبات التعلم المختلفة , أو لو كان اتكلم في وقت متأخر نسبيا ..

• و عشان يستوعب القصص العربي و الانجليزي , لازم يكون ماعندهوش أنيميا , لإن ده برضه أهم أسباب انعدام التركيز في الأطفال , يبقى بدل سندوتشات النوتيلا اللي حياخدها معاه , خليها سندوتشات Ferrobella (المعززة بالحديد) , معلش هي غالية شوية , بس راعي برضه إنك جايب له Portfolio , .. يعني انت ماستخسرتش الـ Portfolio , حتستخسر Ferrobella  ..

• ما تسمعش كلام اللي يقول لك "خلي معجون الأسنان بالفلورايد" .. الفلورايد عشان يحمي الأسنان , لازم يكون بكمية ضئيلة جداااااا , و مش بتتحط موضعيا ع السنة , و لكن لازم تدخل الجسم و منها للدم , .. المهم تهتم بنضافة أسنانه , و حمايتها من التسوس بغسيلها , بعد سندوتشات الـ Ferrobella ;) ..

.

• و زي ما جبت له "مريلة للأنشطة" , خليك جاهز في البيت بإزازة Iverzine محترمة , عشان لو الواد لقط عدوى قمل , لا قدر الله .. بس المهم تعرف إن استخدامها بالليل قبل النوم , مع لف الشعر بإيشارب , عشان الواد ما يحطش منها في بقه لا قدر الله .. الحاجات دي بتبقى منتشرة في الحضانات قوي , مهما كانت هاي كلاس ;) ..

.

• الغريب إن السبلايز ماجاش فيها "زمزمية" من بتاعة زمان , و اللي المفروض تكون محكمة الغلق , و مليانة مية من فلتر 3 مراحل , عشان الواد يشرب منها لما يعطش في نص اليوم , و نحافظ على كليته و باقي أجهزة جسمه Hydrated بشكل كافي , و بلاش يخلي حد يشرب منها غيره , لكن ممكن يصب منها لزمايله في كوباياتهم , منعا لعدوى أمراض الجهاز الهضمي ..

.

• زوّد فوق السبلايز العجيبة دي كلها , غيار جروح بسيط و معقم , بالشكل اللي يخليه يتلحق لو اتجرح لا قدر الله , لحد ما تيجي الزائرة الصحية و تتعامل معاه بالشكل اللازم .. 

.

• لو ابنك مش بياكل , و نفسك تفتح شهيّته , هات له إزازة Fruital شراب .. أيوة الإزازة التافهة , اللي سعرها ما يوصلش 10 جنيه , و خليه ياخد منها بق قبل كل وجبة .. منها حتكون فاتح شهية , و منها كوكتيل فيتامينات صحية و مفيدة , و منها حاجة تطرّي على نفسيته , بطعمها الحلو .. أنا عن نفسي شربت منه خزانات بحالها !! 

.

أخيرا , لو حطيت لابنك في بقه 10 نقط فيدروب V-drop قبل ما ينزل الصبح , حتبقى خدمت عضمه خدمة العمر , و ساعدت على تثبيت الكالسيوم فيها .. و ممكن تحطهم له على عصير ولا على كوباية زبادي بعسل ابيض .. و تبقى ادعي لي ..

مع تحيات د.أحمد الجويلى 
رابط البوست الاصلى 
https://www.facebook.com/photo.php?fbid=10156139129001207&set=a.423636361206&type=3