جرعة سيتال شراب للاطفال موجه للمتخصصين و لكل ام بتستخدم خافض للحراره لطفلها

نبدا اول حاجه باكثر ماده بتستخدم مع الاطفال وهي ماده البارسيتامول الماده دي جرعتها للاطفال 10-15 مجم لكل كيلو جرام من وزن الطفل يوميا طيب هنحسبها اذاي ؟
--------------------

في البدايه هقول المعلومه باختصار وبعد كدا هبدا في شرح حسابات الاختصارات دي تفاديا لاي جدال

عندنا كذا صوره للباراسيتامول في:-
الاشربه
cetal 250 mg/5ml
وزن الطفل علي 4 هيديك عدد المللي الي هتديهاله اربع مرات يوميا

abimol 150 mg/5ml
وزن الطفل علي اثنين هيديك عدد المللي الي هتديهاله اربع مرات يوميا

cetal drop 100mg/ml
نقتطين او 3 نقاط لكل كيلو اربع مرات يوميا
cetal 120 supp
بالنسبه للبوسه فباين من تركيزها انها تتاخد للطفل الي وزنه 10 كيلو والي اقل من كدا عادي لكن لو 5 كيلو يبقي نصفها
perfalgan vial
عندي نوعين من حقن البارسيتامول برفلجان او انجكتامول
الاثنين جرعتهم مللي لكل كيلو لان تركيزهم 10مجم لكل مللي

ايه الفرق بين الانواع دي كلها :-
الشراب > وهو الشائع استخدامه والمستحب استخدامه
اللبوس > في حالات الترجيع بدون اسهال لان ممنوع مع الاسهال مش هيمتص او في حاله لو الطفل موصوفله علاج كتير فعلشان ما نتقلش علي معدته
النقط > ودي في حاله حديثي الولاده
الحقن > ودي في حاله الاطفال فاقدي الوعي والي عندهم ترجيع واسهال مش هيشرب ولا ياخد لبوس

---------------------------------------------------
نيجي بقي نشوف الارقام دي انا طلعتها اذاي ونراجعها سوي

الستال شرب نلخصها في لو ضربنا وزن الطفل في 0.3 هيديك عدد المللي
ندي مثال :-
لو طفل وزنه 10 كيلوجرام
يبقي الطفل هياخد 3 مللي سيتال ثلاث
لو حسبناها بمعيار 15 مجم لكل كيلو يبقي الطفل هياخد 150 مجم
لو قولنا ان الشرب فيه كل 5 مللي فيهم 250مجم يبقي في النهايه المللي فيه 50 مجم
الطفل محتاج 150 مجم يبقي كدا هياخد 3 مللي

طيب بردو حسبه الـ 0.3 مش سهله في الحسابات اقول لحضرتك اقسم وزن الطفل علي 4 هتديك رقم تقريبي كانك ضربتها في 0.25 مش في 0.3

يعني الطفل الي وزنه 10 لو قسمنا وزنه علي 4 يبقي كدا هياخد 2.5مللي
ودي بردو في المعيار العلاجي لان لو جينا حسبنا
الطفل وزنه 10 كيلو وهنديله 10مجم لكل كيلو يبقي المفروض ياخد 100مجم
احنا قولنا المللي فيه 50مجم يبقي الطفل بجرعه 10مجم لكل كيلو هياخد 2 مللي اربع مرات يوميا لكن بحسبتي البسيطه قالت انه هياخد 2.5 الي هي ما بين جرعه 10مجم لكل كيلو وجرعه 15 مجم لكل كيلو
ودي الحسبه الي افضلها