مريض الكبد الي عنده استسقاء Ascitis
لما بيوصل بيه الدرجه انه يبقي Tens ascitis ولا يستجيب لاي ادويه او يكون حجم الاستسقاء كبير وكاتم علي نفسه وعلي معدته وخليه مش قادر ياكل وقرب يدخل في respiratory distress فشل في التنفس يعني او ان يكون المياه الي في بطنه دي تلوثت بميكروب واصبح مصاب spontanous bacterial pretionitis ساعتها بيكن افضل حل هو عمل بذل بسرنجه كدا وكيس جمع بول ويسحب الدكتور من بطن العيان المياه الي متجمعه دي طيب ليه ما بنعملهاش من الاول ونستني للمعايير الي قولتها فوق الفظيعه دي ؟
لان وجدو ان كثره عمل البذل دا بيزود من فرصه حدوث encephalopathy يعني يحصله غيبوبه كبديه دا غير مشاكلها ومضاعفاتها ... من ضمن المشاكل الي بتعملها عمليه البذل دي هي circulatory dysfunction يعني ايه بقي ؟
الجسم هيملي بسرعه المياه تاني وكمان الصوديوم هيقل وهيحصل مشكله في الكلي وممكن تدخل المريض في فشل كلوي ( يا ستييير يارب " اذاي دا ممكن يحصل ؟ " )
باختصار شديد لما بنشيل اكتر من 5 لتر من مريض عنده استسقاء فبتبدا المياه تتسحب من الدم الي البطن وبعدها تقل حجم الدم وضغط الدم فيبدا الجسم يحس ان ضغطه بيقع فالجسم يبعت اشاره للكلي يقولها احبسي المياه مفيش تبول فتتاركم المياه جوه الجسم فيحصل تعبئه تاني للمياه بسرعه وكمان عندك اثناء البذل فقد الجسم صوديوم كتير ومجالوش مكانه يبقي كدا هيقل جدا ويحصل لغبطه فيه وبمرور الوقت وحاله الطوارئ دي الكلي ما تشتغلش خالص وممكن يحصل فشل كلوي طيب ايه الحل لتجنب المشكله دي ؟
الحل هو انك تزود من ضغط الدم الاسموزي " يعني ايه ؟ "
يعني تخلي الدم ضغطه اعلي من الانسجه فيسحب المياه عليه ما يخليش المياه تخرج بره في الانسجه وتحصل المشكله دي ؟طيب انا هعلي اسموزيه الدم اذاي ؟
احقنه البيومين 6 الي 8 جم لكل لتر سحبته من المريض فالالبيومين هيفضل في الدم ويسحب المياه من الانسجه يعني هننشف الانسجه خالص سحبنا المياه من بره بالبذل ومن جوه بالالبيومين وبكدا تبقي منعت حدوث circulatory dysfunction
موضوع طويل ؟ بس انا في راي ممتع الصراحه
اتمني انكم تكون استفدتم وسيب تعليق علشان يوصلك البوست القادم باذن الله
ولا تنسوني بصالح دعائكم
#Salah_eleraQaty
اتمني انكم تكون استفدتم وسيب تعليق علشان يوصلك البوست القادم باذن الله
ولا تنسوني بصالح دعائكم
#Salah_eleraQaty
تعليقات
إرسال تعليق